तिमी + म = हामी

कुनै दिन यस्तो आउला हामी फेरि एक हुनेछौं
भविष्यका लागि सजाएका सारा सपना पूरा गर्नेछौं
बितेका दु:खद पल भुलाएर वर्तमानमा जिउनेछौं
"हामी"बाट टुक्रिएका पुनः "हामी" मै पुग्नेछौं

अहिले सङ्गै नभएर के भो त ,दिन त्यो पनि आउनेछ
जब तिम्रो मनमा मप्रतिको घृणा अवश्य हट्नेछ
अंगाल्ने छौ तिमीले "मेरी माया" भन्दै ,
तिम्रो हृदयमा मेरो अड्डा फेरि पक्का जम्नेछ

कसम छ तिमिलाई, रुवाउने छैन फेरि
थाम्नेछु तिम्रो हात कहिलै नछाड्ने गरि
भुतुक्कै पार्नेछु तिमिलाइ मन मेटुन्जेल हेरी
बोलाउनेछु तिम्रो नाम सधैँ घरीघरी

मलाई थाहा छ ,तिम्रो मेरो साथ यतिमै टुंगिनेछैन
यो दूरि र एक्लोपनले सदा सताउनेछैन
कहालीलाग्दो यो अँध्यारो रात सधैं रहनेछैन
उज्यालो लुकाएर त्यो सुर्य यसरी हराउनेछैन।